ياساعة الفرحة تشوقت للعيد عيد العيون وقلبي الصبابه

رد الجمال لشوفتك ياتلع الجيد واسحب على حرفي لحون الربابه

حرفي بصوتك يااجمل الصوت تغريد يارمز حبي هاك رمز الكتابه

ياصبح عمري فيك للعمر تجديد حبك يجدد كل يوم شبابه

للعين والقمرة وحسنك مواعيد ليل الهوى شرع للاحباب بابه

ياما زعقت بالصوت باسمك تراديد ياما نسيم الوقت يمك سرابه

ياما تمنيتك على باقي الغيد واقول مثلك ياغلا الروح مابه

ابيك تهوى مثل ما اهواك وتزيد يامن خفوق القلب حسنك غدا به

ياقطرة الغيمة على يابس البيد رد الحياة لخافقي ياذهابه