الصورة واضحة ومش عايزة تفكير

أنا كنت ساكتة عليك كتير

خلاص اتعلمت خلاص أنا فهمت

علشان مهما اتكلمت صعب في يوم انك تتغير

زي ما كنت تكلمني تقفش تعمل حركات

بتوقعني في صحابي وبتعمللي حوارات

و الزن ع التليفون علشان تسألني انتي فين

لبسك شكلك تسريحتك بتتكلمي مع مين

يمكن أنا الغلطانة إني وافقت ابقي معاك

كنت فاكراه اهتمام طلع حب امتلاك

عدم ثقتك في نفسك هيا اللي مخوفاك

وقدام كل صحابي فجأة بتبقى ملاك

خانك غرورك وأنا استحملت

فاكر مش هسيبك علشان سكتت

لا اسمعني هقولك ايه

فوق لنفسك اعرف حجمك الكلام ده مينفعنيش

حد قالك م اللي قبلك من غيرك مش هعرف أعيش

أنا هحب تاني مش هقف مكاني وأنت هتندم في يوم أكيد

هتلاقي غيري الله يكون في عونها ويمكن تعيش وحيد

و أنا من ناحيتي أنا همشي ف سكتي مش هفتكرك بأي شيء

ابعد عني سيبك مني أنت فطريق وأنا فطريق

مغرور وعايش الدور والدنيا عليك بتدور

وانا كنت عايشة في ضلمة دلوقتي شفت النور

وشكوك وخناق على طول وتقولي عادي

ما تغور وتسبني في حالي أما إنك فاضي

مش صعبان عليا سنين كنت معاك

واستحالة اكمل يوم استني فيه إنك تتغير

كل مرة بنسى ليه إنك كداب

كل مرة الكلام فيك ليه مش بيأثر

لا لا لا .. لا لا لا .. لا لا لا لا

فاكر يمكن نرجع تاني استحالة

أو حتي اصدق كل كلمة فيها بتحور

او اندم لما هتفضل تزعل مش هتأثر

وفي يوم لما افتكرت إني مجنونة حسيت إني مسجونة

وفي يوم فكرت اقولك إيه اسمعني هقولك إيه

فوق لنفسك اعرف حجمك الكلام ده مينفعنيش

حد قالك م اللي قبلك من غيرك مش هعرف أعيش

أنا هحب تاني مش هقف مكاني وأنت هتندم في يوم أكيد

هتلاقي غيري الله يكون في عونها ويمكن تعيش وحيد

و أنا من ناحيتي أنا همشي ف سكتي مش هفتكرك بأي شيء

ابعد عني سيبك مني أنت فطريق وأنا فطريق

ابعد عني سيبك مني مش هقف مكاني

هحب تاني هحب تاني هحب تاني