وين راحو عن وطنهم

أوهو تغير سكنهم

ماسالت الناس عنهم

يمكن انهم خابرينه

ويش عذري في القبايل

يوم نطلبهم دلايل

مير بشد الرحايل

كل درب عارفينه

من تخبر عن رفيقه

اويبي يعرف طريقه

من سألهم عن صديقه

ما الخلايق لايمينه

الحقيقه علموني

وين مدعوج العيوني

اتركو البدو والضعوني

واسكنوا وسط المدنيه

عادت الدنيا العريضه

مامعي ياخوك عيظه

ماعلى الدنيا فريضه

من صبر ربي يعينه

يوم حلو في القرايب

روح على بيت الحبايب

روحتك ماهي غرايب

ريح النفس الحزينه