من أول أفرح إذا شفتك و هلي بك
و اليوم قربك يعذبني و يشقيني
خلاص وش لي على لومك و تأنيبك
كشفت قلبك و ذلاتك تكفّيني
العام دايم أسولف بك و أغنّي بك
هذه السنة إنتهى ما بينك و بيني
الله يهنيك مع ناس تغالي بك
و أنا على نيتي المولى يعطيني
ماني بهاللي إذا جفيت أضحي بك
قلبي عطوف و ذا طبع المحبين
رغم الجفا لو تيجي أحقق مطاليبك
و عرفت أمرك على رأسي و على عيني
مليت يا زين من كثرة أعذاري بك
سبحان ربي سخر لي من يسليني
حبك من الله يا حيث إنه بلاني بك
و اللي من الله يا أعز الناس مٍرضيني