اكتشف الجديد دخول
يا ذا النجوم اللي شراتي سهاره ..قولي لنجم الياه يطلع مع سهيل

خلن احبه سر ما هو جهاره ..ودي بشوفه واعسرتني المواصيل

لو كان حبه وسط دمي كساره.. ألجم احاسيسي كما لجمة الخيل

دايم عن عيون الوشايا حذاره.. ما ينال منه صاحب القال والقيل

له من غلا روحي نهور فجاره .. مثل الفرات ونهر دجله مع النيل

مزيون من زينه يحير العذاره ..اهيف زريف الطول حلو التعازيل

من عينه عيون العذاره غياره ..بو يادل جاني على الردف كالليل

كل الحسن لا شاف حسنه تواره..غرن ذبحني بالعيون المثاليل

روحه لطيفه طيب ولا يجاره ..الفاتن اللي له بقلبي مداهيل

يا هي جبينه مثل شمس النهاره ..يسني سنا خده برا مرهف سهيل