أنتظرته وقلبي أحساسه يقول
صوت خلي اليوم ما أظن اسمعه
الخبر عندي وغيبته بتطول
وقتي من اليوم حسابه بجمعه
ضاق في صدري وادور له حلول
في ضميري نار شوقي مولعه
عشت في دنيا أدور بها وأجول
عشت فيها بضيق وعايشت السعه
مالقيت اللي على دري صمول
كود بعض الناس وقته يمنعه
روضتي جفت وأنا خلي سيول
مبعدن عني وقلبي يتبعه
طبعه اللي يوصف بالطبع الخجول
بين كل الناس عندي يرفعه
الغريب أني أسولف له وأقول
عن هوا نفسي كلامي أقنعه
ما يلام اللي مثل حالي ينول
لو قضى ليله يساهر مدمعه
اللي عن الغالي وشوفاته ميول
من زود شوقي له غرامي أصنعه
لو حصلي شوفته همي يزول
وقتها أنسى البشر وأجلس معه
أذكر أني بغيبته دايم أقول
هو حياة القلب هو له مطمعه
فرحتي يا خالد بيوم الوصول
يفرح القلب بهم من ودعه
ضاق في صدري وأدور له حلول
في ضميري نار شوقي مولعه