كان فى مرة طفل صغير
عم يلعب ب الحارة
عم بيفتش عل الخيطان طا يطير طيارة
واتطلع فى الجو وقال
مادرى شو عم يلمع
شوفوا شوفوا
طيارة
جايا لعندى الطيارة
هاي طيارة كبيره
وما الها خيطان
وجوانحها اكبر من بيت الجيران
فرفح قلبه وطار ع جناح الطيارة
والسما اللى كلها اسرار
حكيت له اسرارها
وقف بالساحة
ينده رفقاته
كان هدير الطيارة
اقوى من كل الاصوات
اتجمعوا الولاد
وفاتوا باللعبة
وهزت البلاد قصة مثل الكذبة
والهدير اتحول لدخان كبير
ومادرى شو صار
دق النفير
والطيارة الحاملة لقصص واشعار
شعلت الارض وهدمت الدار
وصارت الحدود
حدود الولدني
برق ورعود بتقصف على الدنيا
وطارت اللعبة
وطارت معها القصة
وصارو الولاد شئفة من القصة
والقصة مكتوبة على صفيحات الضيعة
والضيعة الهيوبة ولعت مثل الشمعة
والشمعة بتضوى والصرخة بتدوى