تعالي يا هوى بالي تعالي نشارك بعضنا هم الليالي

و نتقاسم سوى شكوى المحبه نعيش الحب من اول و تالي

ترى بعدك نهار الناس مظلم و بين الناس احس اني لحالي

و كل الارض ما تسوى بدونك و غيرك ما احد في القلب غالي

خيالي بعد هجرانك جرحني و غربني ولا يشفق بحالي

انا ادري انك سكنتي في فوادي و طول الوقت في فكري و بالي

و اهوجس بك و اقول يمكن تجيني و لا جيتي احس الكون خالي

و يوعدني خيالي اني اشوفك حقيقه كان يبالغ خيالي

اناديلك بعد عمري و اقولك بغير الحب ما تسوى الليالي

تعالي للهوى و صافي المحبه دخيلك اتركي هذا التعالي