اكتشف الجديد دخول


انتصر يأس حبي وانتهى من رجايا

وابتدا الشك يظهر في خوافي ظنوني

الله يسامحك ما ظنيت هذا جزايا

كيف تقسى علي وانت ساكن عيوني

احسب انك بدرب الود تمشي معايا

كيف تبكي عيوني وانت قلبك حنوني

احسبك ما تصدق في هواي الدعايا

حتى لو العواذل عن هواك ابعدوني

لا تقولون يا عذال ويش السوايا

انشدوا من بدا بالهجر لا تنشدوني

انشدوا من على صده تحطم هوايا

عقب ذيك المحبه كن ما يعرفوني

صار حبك وحبي يا حبيبي روايا

مثلوها العوذال من هواك ابعدوني

دايم ارعى خيالك في صباح ومسايا

اذكر اسمك وانا اللي في هواك مغبوني

ليتني ما دريت ولا عرفت النهايه

مير هذا مقدر لازم انه يكوني

عط حنانك لغيري لا تسل عن هوايا

خل ذكراك ليا يا مغلب ظنوني