اكتشف الجديد دخول


يقولوا الطيب فإبن آدم

يغير لو صخر قاسي

وأقول الطيب يا عالم

ملى لي من الندم كاسي

أنا ما جاب تعذيبي

في هالدنيا سوى طيبي

عرفت الحين يا قليبي

جزا هالطيب وشلونه

يا ويل الطيب قليبه

وكان الله في عونه

يقولوا الخير بس سوه

وارمي للبحر بإيدك

وأقول الخير وش سوى

معه يا قلبي شيفيدك

تشوف الشر في غيرك

وملوا الناس من خيرك

ولا حد باقي على العشره

يحفظ الود ويصونه

يقولوا الصدق بس يبقى

ويبان الكذب في حينه

وأقول الكذب يا مكثر

في هالعالم محبينه

يعيش الكاذب ويهنى

كأنه عايش بجنه

ويموت الصادق ودمعه

محد شافه من عيونه