إذا التقينا يوم .. ولاعرفتيني

فلا عليك لوم .. شاب الزمن فيني

انا الهوى الغايب

أنا اللي كان .. ذاك الزمان وقت ومكان

أنا اللي كان .. في نظرة عيونك حنان

ومضه في عتمات المسا .. فرحة فؤادي اللي نسى

بسمة صباحك .. دمعة جراحك

خاطر عبر مرة في حياتك

انا الهوى الغايب

في ليله عشتها عمري .. لموعد انتهى بدري

رسمت احلام .. وعشت ايام

وغنيت الهوى إنغام

وكنت الهوى للقلب .. وكنت الوطن للحب

ولو غيرت وجهي مسافات السنين

ماتختفي في العين نظرات الحنين

انا الهوى الغايب

ياللي تركتيني .. وخاواني الغياب

رحتي ونسيتيني .. وتذكريني العذاب

سارت بي الايام في غربة حياه

لاطريق امشيه أو اعرف مداه

زحمة وجوه وعابرين

لاروح فيها او حنين

ولاشبه منك في عيون الناظرين

جيتك على غفلة زمن

هيا قبل يصحى الزمن

انهي عذابات الشجن

انا الهوى الغايب..