ارباب دار جعل الفارس الارباب وليك فى قلبى تقدير احترام وكتاب

لو كان شعرى فى مدحك نظمتو كتاب تساتهل عشان ارباب ود ارباب

نمراً بركب الكيك البطر وإتحرّن نمراً بقلب العوق أب صفوفاً جرّن

خلوات صدرو في علوم الحروب كم قرّن سيفو بِينتف الدرع الحديدو مقرّن مو نمر الشدر حاضن فروعو مقيّل دا النمر البسد الصف محل ما يميّل كلما أقول شُكر ألقاهو فيهو قِليل كفو بيخجل العينة السحابا منيّل

الليلة نمر صِبحن خيولو يصهلن من حر العلوق صمسن قلوبن بِهلن

دايرات مكبس الضحوي الفيهو يبهلن نمراً مابفز حشاهو كلا وحاشا

لمام لي الهمائل البي العتامير طاشا ذو عفة وثبات كرماً معاهو بشاشا

وتشهد دار جعل يوم حرقة الباشا