يالاعب في ورق خسران

لاتفكر ابد تربح

لاتمثل علي هيمان

ترى هالدور مايصلح

تصدق كذبتك يافلان

وحبل الكذب هم يفضح

واقول الزم على الانسان

عن المألوف لايشطح

***

عجين ايدي واعرفك زين

ولا تفكر بقول مسكين

توكل لاتجين الحين

ترى بتسمع كلام يجرح

تذكر يوم كنا بعاد

ترجيتك وجرحي زاد

لكن كل شيء مافاد

تبيني اليوم هم اصفح

***

عطيتك ماسألتك يوم

اضحكلك وانا مهموم

حلفتك من المظلوم

ابيك تقول لو تسمح

ترى صعبه انا اشتاق

واجيب منين لك اشواق

حبيبي الحل هو الافراق

لاتفكر ولا تشرح