اكتشف الجديد دخول
حلاوة و طيب للياكل من تمرنة

نحب نسمع كلامك من تمرنة

تميل البصرة كلها من تمرنة

ولك شط العرب ياخذ تحية

عونك يا وطن يابو الحضارات احضك لو صرت كلك سجاجين

اريد احجي و من يصدك هالخرافات الك حبي سوالف عالصلاطين

يابو الخير انت تفيض خيرات على الجيران و عيالك مساكين

حيطانك صفت بس للشعارات هواية احزاب و شوية الحياطين

شفتك من بجيت لوحدك محد بجى وياك انت ما تحتاج دمعه بدون غيرة

مسحت دموعهم من هدت الخيل و حفضت عروش و شيوخ و عشيرة

ياهو الماشبع من نفط كركوك و يا هو اليوم عازمني على خيرة

اعتب عالشرب من لبن اربيل و اعتب عالاكل خبر الصويرة

و اعتب عالسكف من سمج ذيقار و اعتب عالحجى حجاية زغيرة

و اعتب جيَ صلاح الدين ما جاي ولا القعقاع ولا ابن المغيرة

تقبل يا سعد رستم على الباب و على نهر الفرات يصير سيرة

و اعتب عالغفى عالسهر بحضن ابو نواس لك شلون اليوم دجلة تضل اسيرة

تقبل يا علي الفقار مهضوم و من كبتك يبوك النذل ليرة

انا نطاقي دول مو جلبت بيه و امس حفيت هيبة هالجزيرة

امس بيريتي منخل للرصاصات و خليج العرب شطي و ما اديرة

احاسبكم على كل ما جرى وياي و كلمن ذنبة بعيونة و جريرة

لك هذا العراق اسمة يهز السماوات