فكرت كتير مع نفسي، اخترت أنا الأنسب

صدقني فراقنا احنا الاتنين هيكون مكسب

و محدش فينا هيخسر م الموضوع ده كتير

هنقابل ناس نبدأ بيهم صفحة جديدة

و هنتعلم م الماضي كمان حاجة أكيدة

و أهم ما في الموضوع ده نكون فاكرينّا بخير

مطلبتش حاجة غريبة أنا يعني

بعدنا خير لينا احنا الاتنين

كده كده فى الحالتين هتودعني

لو مش دلوقتي أكيد بعدين

مش لازم نكره بعض عشان نبعد و نروح

مش عيب إنى أحكِّم عقلي و مبقاش مجروح

و أنا مش هستنى لحد ما افوق على صدمة معاك

اخترت نهايتي معاك منكرش انا بإرادتي

علشان مش هقدر أعمل حاجة انا فوق طاقتي

ملقيتش اللي انا مستنيه منك و انا وياك

مطلبتش حاجة غريبة أنا يعني

بعدنا خير لينا احنا الاتنين

كده كده فى الحالتين هتودعني

لو مش دلوقتي أكيد بعدين