لسه فاكر عم مينا

عم مينا بتاع زمان

المقدس الي كان

بيفوت علينا بالامان

جيبه مليان بالحلاوة و البلح

و عيونه ماليه الكون حنان

عم مينا و شيخ امين

الله عليهم لما كانوا بيضحكوا

علي نكته واحده

مش مهم مين يقولها

المهم النكته حلوة

واللي اجمل و اللي احلي

ضحكه طالعه من روحين

لسه فاكر عم مينا

عم مينا بتاع زمان

المقدس الي كان

بيفوت علينا بالامان

عم مينا و شيخ امين

شوف حروف الاسم حتي

مينا نفس حروف امين