ياورد هات الورد والشمع بإيديك

لك عندي ياورد المحبه بشاير

ياورد هذا اليوم تاريخ عيدك

ماتدري إن اليوم خمسه يناير

..

..

ودي أرصع بالفرح عقد جيدك

وألبسك من حب قلبي حراير

وأجعل قصيد الحب كله قصيدك

وأفرح بشوفك وأترك الكون ثاير

يافايقن بالحسن والزين غيدك

أنت البدر أو مثلك البدر صاير

ريمن تمنى كل سهمن يصيدك

لكنك بعيدن عن الناس داير

..

..

لو يرسمك فنان عيا يجيدك

في رسم حسنك كل فنان حاير

كل ما انتهى من وصف سحرك يعيدك

ويعودك لك قلبن به الشوق ساير

يسعدك ربي بالوداد ويزيدك

ونعيش معك ف عيد خمسه يناير

جيت أحتفل بك وأشعل شموع عيدك

جيتك وانا من لهفة الشوق طاير