انا اسم على الورق

انا حلم واتسرق

ومشاعره ميتة

انا طيف بان واختفى

انا لحظة من الدفا

فى سنين برد وشتا

انا شجرة اتشال كل فروعها

صرخة مفيش حد بيسمعها

انا ضحكة الدمع مضيعها

والحزن يوماتى بيقتلها

انا مركب تاه وملوش مينا

انا زهرة اتخلقت للزينة

احساس مش لاقى كلمة حزينة

يوصف اوجاعه اللى شايلها

انا اسم على الورق

انا حلم واتسرق

ومشاعره ميتة

انا صوت ملهوش صدا

انا طير تاه فى الفضا

واليأس مموته

انا كلمة اتكتبت ع الميا

صبارة فى صحرا ومنسية

انا شمعة فى الليل مطفية

حدوتة حزينة وقديمة

انا فرحة اتولدت مكسورة

واحد مش باين فى الصورة

انا دنيا من الناس مهجورة

انسان مفيهوش حتة سليمة

انا كلمة اتكتبت ع الميا

صبارة فى صحرا ومنسية

انا شمعة فى الليل مطفية

حدوتة حزينة وقديمة

انا فرحة اتولدت مكسورة

واحد مش باين فى الصورة

انا دنيا من الناس مهجورة

انسان مفيهوش حتة سليمة

انا اسم على الورق

انا حلم واتسرق

ومشاعره ميتة