اكتشف الجديد دخول
أملنا الباقى

كلمات مدنى يوسف النخلى

الحان واداء مصطفى سيد احمد

أملنا الباقي يسرح بي

وأهاجر لي زمن تاني

وتبقى الدنيا في عيني

هدأة موجة

في بحر الأسى الممدود

هجعة خطوة

في سكة فرح مفقود

رجعة غنوة

من درب الضنا المهدود

وأفتش ليك حناني معاي

أماني تصارع المكتوب

عشانك .. لا مسافة تطول

ولا بتصعب معاكي دروب

وقلبي عليك

وعلى الوعد الحزين مصلوب

وراجع ليك

أجيك فارساً يشق

صمت المتاهة الطال

مواعدِك بي حكاوي الشوق

وبي شمساً وراها منال

وبي فرحاً يغرِّد في سماك ألحان

ويجيب البهجة للأطفال