اذهلتني يوم صوبي مقبله

شفت موتي بين جدران وظلال

لو بلف الكون كله بأكلمه

البسيطة متن وسهول ووجبال

مارأت عيني جمال يخجله

من جمالك يرتجي الكون الجمال

اتذلل من دلاله دلله

فيه مدلول الجمال بلا دلال

جل من صور جماله وكمله

كامل حسنه ولله الكمال

حدر داج فوق متنه ينشله

ناثر القصه على قوس الهلال

واللواحظ كالسيوف مسلله

كن يلعب ف الهدب موج الشلال

قلت له دمي لكم من حلله

والتزم بالصمت مارد السؤال

وش حياتي والرماح مظلله

لاح هو لعنده ولا عنه محال

الضمير بنار كبرى تشعله

باندفاع الحب وردود الخيال

من علاه الروح طوع مدلله

ف الخوافي لايحول ولايحال

له طروق الشعر فكري دهله

منهله ومرويه من غزر تلال

انسج المعنى حروف مرتله

من طرايف شرد بوحي الخيال

واشكي لالامي الجروح المقبله

نالها قلبي وهو صعب المنال