امي يأول حب عشته في دنياي

يأول اسم تنطق شفاي طاريه

انتي هوا روحي وبعروقي الماي

عمري بدونك عمر ماعشت انا فيه ..

ياما لقيتك في شتا وقتي دفاي

حضنك يدفيني بحنانه وادفيه

وياما مسكتي في عنا الوقت يمناي

خوفنا ً علي من الزمان وبلاويه ..

انتي نظر عيني وبسمه شفاياي

وانتي هوا قلبي وحبه وغاليه

انتي الجميل اللي تعدا عطاياي

لو عشت كل العمر مقدر اوفيه ..

تدعين ربك لي يسدد لي خطاي

وارفع انا كفي لله وادعيه

يارب تمنحني رضاها بدنياي

وان مارضت عني ترى العمر مابيه