إذا كان السعد يتنجر من عود
انجر ستين عود من غير عودي
وإذا كان السعد منك يا مسعود
يا سكام لسعود سكم لي ساعدي
حمامة جات عندي تكمر
وتفاجي الخاطر ذاق عشية
ماهياش من الحمام اللي في البر
ماهيش مثل ما شافت عينيا
وهاد لحمام سبحان اللي صور
أهل لملوك ما كسبوه هديا
مانيش على الحمام الطاير نهضر
وهاد لحمام عذرة بشرية
مدة خذات عقلي طار توضر
من وحش عام راني طار عليا
ولا خبير جاني منها خبر
ولا حرف منها جات برية
غير لخيال ديما عندي يحضر
يجي قبال عيني زايد كية
مايشوف ما يسمع ما يهضر
ساعة يبان وساعة يغيب عليا
شحال شاف قلبي وشحل اصبر
الدنيا مرارة ذاقت بيا