اكتشف الجديد دخول
دور ياكلام علي كيفك دور خلي بلدنا تعوم في النور

ترمي الكلمه في بطن الضلمه تحبل سلمي وتولد نور

يكشف عيبنا ويلهلبنا لسعه في لسعه نهب نثور

عمي امام عنده كلام ومسوح في بلاد الناس

من فوق نوله يغزل قوله ويغني مرفوع الراس

بلدي يانبع النور سلسال يهدي الفكره للاجيال

بلدي يالقمه عيش يا حلال علاكاله والاكال

يام النيل شايل مواويل كل مغني وله موال

وانا ارغولي لما يمول سوا في الاخر سوا في الاول

مش عايغني الا لمصر ياركوبه ركاب النصر

سرقوكي سكان القصر والظابط عبد المامور