متاهات ودوخه وياما ناس دابت كعوبها من الجرى ورا حاجه تنسى بيها وجع قلوبها واهى دنيا ومش عارفين اخرها وبنسايرها تغلط وبتشيلنا ف الاخر ذنوبها جابت درفها فى وش ناس عايشه بشرفها سلكت مع اللى بيطاوعها على انحرافها الدنيا لعبه بتدى بس اللى احترفها ومع اللى خدها هوايه بتقفل جيوبها كام حاجه حلوة فى نفسنا ومش مقسومالنا كام سكه سهله وممكنه مش مفتوحالنا كام حلم عشنا بنحلمه مش من نصيبنا كام حب عشناله وعشق ليه ناس بدالنا