حظ عيني لو تشوفك كل يوم

حظها وانته لناظرها الضيا

نام فيها نام وانعس لاتقوم

بالسعاده ياتباشير الحيا

انته اللي لك انا عمري اسوم

وارخص الغالي بلا سيف وريا

والبقايا مالهم عندي لزوم

قلبي وقلبك حبايب اوفيا

غيبتك وجدان واحزان وهموم

تتعب أفكاري تسبب لي عيا

ودي بشوفك ماطيب العلوم

عن عيوني لايبعّدك النيا

صدق انا مشتاق لكني كتوم

اجبر عزومي ويمنعني الحيا

منزلك فوق الكواكب والنجوم

وافي وسمعي على صوتك حيآ

وش على عيني لو شافتك دوم

دامك انته في محاجرها الضيا