تابعنا عبر FaceBook
موقع اغاني سمعنا
المطربين حسب الحروف أ ب ت ث ج ح خ د ذ ر ز س ش ص ض ط ظ ع غ ف ق ك ل م ن هـ و ي

المزيد من اغاني ارابيش - اغانى مصرية



كلمات اغنية النهارده صحيت من النوم
النهارده صحيت من النوم
على صوت ماما بتزعقلى
قومي البسي يلا اجهزي
علشان جايلنا ضيوف
صحيت من النوم على صوت ماما عامله قلبان في الشقه سيبوني انا شويه ده انا نايمه الساعه واحده ولقيت ماما بتجري ف كل حته
عايزين مني ايه قولتلك مره لآ قالتلي عشان خاطري ده ابن انكل يسري الناس هتاكل وشي البسي قومي معلشي طب ايه يعنى ماتشوفيه عجباكي القعده معايا ليه مش خسرانه حاجه فيه حد تاني ولا ايه
وبنات كتيير اتمنوا يجيلهم واحد زيه وظيفه وشكل ومنصب وده غير مركز اهلة احترام اهتمام معرفش بنات ولغات ومعيد في الجامعه
بتقولي عنده شقه واكيد هيجبلك شبكه مش قادرين يفهموا ان انا مش موافقه
ليه فاكرين كده بيحبوني
بصراحه حاسه كده عايزين يبعوني
قلت اكمل دراستي قالتلي
حبيبتي كبيرتي كل اصحابك بقوا مخطوبين ده حته بنت اختي
قولتلها اتجوز كده استحاله حتى لو عنده شقه وهايجبلي غساله مشيت وسابتني بعدها رجعت قالتلي الناس جايين يشفوكي البسي لقول لابوكي
النهارده صحيت من النوم
على صوت ماما بتزعقلى
قومي البسي يلا اجهزي
علشان جايلنا ضيوف
النهارده صحيت من النوم
على صوت ماما بتزعقلى
قومي البسي يلا اجهزي
علشان جايلنا ضيوف
قولت اقوم البس بسرعه عشان مش ناقصه
اتخانق مع بابا وفجأه يقولي مش نازله
كلمت كل صحابي قولتلهم على اللي بيحصل قالولي كبري مخك هي ساعه مش اكتر
فتحت دولابي طلعت البنطلون
ف بابا شافنى بلبس قالى بجد انا مصدوم
رح ناده على ماما وقالها شوفي بنت قالتلي البسي فستان او حاجه من سنك
شوفيلك حاجه احلى خدي بالك وانتى داخله وانتي بتديله الحاجه الساقعه تقومى واقعه
وانتي قاعده تفضلي ساكته ... مش عايزة ولا غالطه
وساعتها الباب خبط فجأة، وكله بيجري في الشقة
لما بابا فتح الباب، طلعوا الناس مع البواب
والجيران من الشباك يتفرجوا وبقينا فرجة
والعريس كان شكله لبخة، عمال يقولي في نكت بايخة
وماما تضحك و أنا ساكتة
وكل شوية ابص لبابا اقوله مش موافقة
قاللي لأ مفيش شغل بعد دراستك
و أكيد وقتك لبيتك، مامته قاعدة بتتنك
طب على إيه! عاوزيني اتجوز ليه؟
النهاردة صحيت من النوم علي صوت ماما بتزعقلي
قومي البسي يلا اجهزي عشان جايلنا ضيوف
النهارده صحيت من النوم على صوت ماما بتزعقلى قومي البسي يلا اجهزة عشان جايلنا ضيوف
ليه البنت تعيش في كابوس؟ وتدور على الفلوس
ما كفاية زن عليهم، ليه تكرروا ف كلام محفوظ!
الموضوع محتاج تفكير، وكتير هايلين في التمثيل
لو هيشوفوا كل العرسان، برضه مفيش حاجة بتبان
مش عايزة اصحى من النوم، علي صوت ماما بتزعقلي
و تقولي انجزي، ما تتجوزي، البسي اعملي معروف
مش عايزة اصحى من النوم، علي صوت ماما بتزعقلي
أنا هلبس بس لوحدي، وهتجوز براحتي