بحب اعمل كدا واحب اعمل كدا
بحب اعمل كدا واحب اعمل كدا
وانا سايب نفسى خالص انا سايب نفسى خالص مفيش احسن من كدا
اطلع من ع السلالم مركبش اسانسيرات
وبروح الشغل ماشى ومروحش مواصلات
ساعات احب اجريها واتمشى ف حواريها
حياتى وانا حر فيها من يومى يا ناس كدا
بحب اعمل كدا واحب اعمل كدا وانا سايب نفسى خالص مفيش احسن من كدا
احب اعيش طبيعى وماحبش الالوان
و ف اى حتة بمشى و ف اى حتة ابان
شعرى احلقه اطوله افتح قميصى اقفله
سايبها زى ما تيجى وعايشها كدا وكدا
بحب اعمل كدا واحب اعمل كدا
انا سايب نفسى خالص ومافيش احسن من كدا
معايا فلوس معايا معييش ماباتضايقش
آكل ماكلش عادى معايا مبتفرقش
اتعب كتير ماشلش وبنسى ومافتكرش
واهى ماشية زى ما تمشى يوم كدا ويوم كدا
اسهر على سطح بيتنا انا وامى والعيال
نتعشى فول مدمس وشوية شاى تقال
وننام وبالنا رايق ولا نزعل ولا نتضايق
وزى ما تيجى تيجى معرفش غير كدا
اقعد نحن العمارة ساعتين ع المغربية
اسلم ع الحبايب واروح ع المسرحية
واصحابى ناس عاديه من شبرا والشرابية
ولا عمرى هانسى نفسى ولا هعمل غير كدا
الطحن والمسائل حاجات محبهاش معرفش احلق وانفض والروشة والطناش
وكفاية بقا تهبيط وكلامنا كلام بسيط
وبلدنا حلوة جدا مفيش احسن من كدا