يا تاكسي الغرام يا مقرب البعيد يامسابق الحمام والسكة الحديد

لا لك جناحين ولا موتورين

يا تاكسى الغرام يا تاكسي الغرام

انت وهو دور لف ع اليمين كلكم طابور ناحية البنزين

اسألوا الزبون عايز كام جالون

أنا طالب الهوى

دا الهوى هنا ياحبايب قلبنا

وسع انت وهو اوام اوام اوام

وانت خش جوا خطوة للأمام

افتحوا الطريق لتاكسي الغرام

يابرنس موقفك يا حليوة في منظرك و الكل يستلطفك والكل يستنظرك

الناس بتعرفك يا تاكسي الغرام

بتشاور من بعيد يا تاكسي الغرام

يا تكسي الغرام يا مقرب البعيد .......

يا احسن زبون عايز كام جالون

اتنين تلاته خمسة وحسابك قبل ما انسى ادى خمسة ونمرتين

مرسي يا نور العين

واية تطلب كمان عينيا كلنا؟؟؟

انا طالب الهوى

طب حود من هنا

موجود عندنا

يا تاكسي الغرام يا مقرب البعيد ......

تسابق الزمن ولا حدش حصلك وتنادى من زمان يا مين يوصلك

و الورد له أوان يا تاكسي الغرام

والحب مش جديد يا تاكسي الغرام

يا تاكسي الغرام يا مقرب البعيد

يا مسابق الحمام والسكة الحديد .....

توصل الحبيب يقابل فرحته

و تصادف الغريب يرد غربته

وتبقى للقريب يا تاكسي الغرام

وتقرب البعيد يا تاكسي الغرام

يا تاكسي الغرام يا مقرب البعيد ......