احلى سنه

لو دريت الحب شايل لي هنا

جان اول من عشق اهو انا

بإختصار انا في هاللحظه اعيش

احلى يوم احلى شهر بأحلى سنه

*

اليوم فجأه الدنيا بعيوني تحلى

اليوم انا اللي احبه يحبني

من فرحتي وانا معاه ودي والله

أضم كل اصحابي واهلي في حضني

يادنيا هذا وينه عني من سنين

ماكو صفه اعشقها ماهي بصفاته

أخلاق وطيبه وذوق وعيون حلوين

هذا وانا ماقلت شي عن حلاته

*

لون وحلاة وطول والرمش مدود

مافي حبيبي شي نقص والله مافي

شفته وقمر في وجهه غماسة خدود

باقي الشعر احجي بعد ولا كافي

ربي عسى مايكتب فراق وبعاد

ولا عيوني تنحرم من هالعيون

المشكله عيونه جابت لي حساد

امشي واسمي خوفي بس مايسمون