اكتشف الجديد دخول
بت الأصول ...

الليله كتبو كتابا .

شهدوبو الخلق ...

أندادا والأصحابا .

لى ود البلد ...

ود الرجال مو التابا .

فارسا مأصل ...

من الجدودو صحابا

الأسد النتر

ما بخشى ليهو حرابا

شيلولا العديل ...

والزين يبارى عقابا .

زغرودةً تهز ...

تبراها لى عند بابا .

غنولا الغناوى ...

زينة بناتنا حبابا .

سوولا المجرتق ...

ولبسوها حجابا .

ومن عين الحسود ...

أفتحولا كتابا .

دعواتى البشيلا ...

من غير عدد وحسابا .

تتهنى بعريسك ...

فى الدنيا دى الغَلابا .

وتظلك سعاده ...

وتبقى ليك سحابا .