عبر الاثير بكتب سطور لي سيد هواي وبرسلا

تلقاها من مخلص عزيز تنزل دموعا تبللا

تقراها لاخر حرف تبداها تاني من اولا

وقتين تشوف كيفن نقاسي الغربة كيف نستحملا

كيف حالنا في الغربة في البلد البعيد اليوم يمر زي السنة

يطويني ليل ليل العزاب ليل الضنا

احزاني تتمدد سحاب اهات ومجبور احضنها

ي الله لمتين للبلد ارجع واشوف نور الامل

انا في ابتسامتو بعيش عمر همساتو تنسيني الحصل

في خصر بيغيب الخيال في عيونو في الخد في الخصل

ي الله طال صبري وشقيت لمتين اعود لمتين اصل