عطني من اوقاتك حبيبي دقايق ..
و ان كان ما تقدر تسد الدقيقه ..
بعطيك انا مصدر مشاعر وثايق ..
و من عاطفة روح (ن) وفاها وثيقه ..
رجواك يا من رجوت القلب ضايق ..
و من شفتك ينسى عذابه و ضيقه ..
ريج مذاق الكيف و الذوق رايق ..
و من عذب ريقه اجمل المسك ريقه ..
و كوثر الفردوس و النهر سايق ..
و احلى من الشهد المصفى رحيقه ..

لا تبتعد عني تشب الحرايق ..
و تجعل غرام الشوق فيني حريقه ..
انا اشهد اني عنك ماني بطايق ..
لانه خفوقي ما يودر عشيقه ..
انا طريدك حر درناس فايق ..
و الحر لي من طار يعرف طريقه ..
عطني من اوقاتك حبيبي دقايق ..
و ان كان ما تقدر تسد الدقيقه ..