اكتشف الجديد دخول
ام كلثوم
تحميل
8726
3208

كلمات عبد الفتاح مصطفى

ألحان رياض السنباطي

طوف بجنة ربنا ببلادنا وأتفرج وشوف

ضفتين بيقولوا أهلا والنخيل شامخ صفوف

وابتسامة شمسنا أجمل تحية للضيوف

والنسيم يرقص بموج النيل على الناي والدفوف

طوف وشوف

شوف هنا جنب المصانع والمداخن والزحام

الغيطان إلي أخرها المدنا وأبراج الحمام

والسواقي اللي ما نامت ليله من كام ألف عام

شوف جمال الريف وآمن بالمحبة والسلام

طوف وشوف

شوف ا ثار أجيال ملو الدنيا حضارة وابتكار

علموا قلب الحجر يوصف معارك الانتصار

علموه يبقى سفير الدهر ليهم بالفخار

كان نهار الدنيا ما طلعشي وهنا عز النهار

طوف وشوف

كل دي كانت كنوز الماضي شوف حاضر بلادي

شوف كنوز الثورة فيها والمواهب والأيادي

اللي بيهم سدنا يعلا وفيض الله يزيد

يزحفوا بالميه تخلق م العدم عالم جديد

يكشفوا سر الصحارى يصهروا عزم الحديد

يوصلوا الدنيا بقنالنا من هنا لبور سعيد

طوف وشوف

الجنود اللي بيحموا مجدنا من كل عادي

الصفوف اللي يبنوا بعزمهم نهضة بلادي

اللي خطوتهم تبوسها أرضنا وتقول ولادي

نادوا بالحرية قام الشعب وأتحدى المحال

والأمل أصبح عمل والخيال أصبح نضال

هي دي ثورة بلادي اللي حققها جمال