حبي فارق تاني ما ظنيتو يرجع

الله يا خلاي لي قلبي الموجع

وين صفا أيامنا لما زمنا طاوع

كنا ننهل ديمة من فيض عاطفة نرضع

للاماني الحالمة والامال بنزرع

البعيش ارواحنا بعد الفرفة يجمع

في الاماسي الحالمة لما قمرنا يطلع

كان نبث نجوانا والنيل لينا يسمع

يا حليل امالنا ضاعت مننا اسع

قلنا نسرع ليها كان مقدرونا اسرع

آه وآه محبوبي دمعي ودمعو ترع

لما قالد لي بالاحضان وودع ..

قلتو نان يا حبي حالي دة ما بيشفع

كيف تروح وتسيبنا حبك في ترعرع

قالي لا تبكيني كيفن منك اقنع

مادي عاد قسمتنا لا بد ليها نخضع

ما هو راضي الفوته كم خطوات تراجع

لما غاب واتوارى ليهو عيوني تتبع

ما خلاص في روضي زهري انا جف ووقع

وما اظن من تاني اشوفو اينع

والكنار في غصنو ما جاب لحن وابدع

سابو سيد الهامو كيفن تاني يسجع

والصبر ما قالوا للممكون بينفع

مالو ما داوني بيهو انا كم تذرع