عاش الجيل الصاعد عاش
جيل من شعب مجاهد عاش
عاش يبنى ويجاهد
عاش بكفاحه الخالد
راجل واحد مبدأ واحد
عاش جيل ثورتنا عاش
عاش الجندى يوم ما حطم شوكة الاستعمار
كان عنوان النصر الثورى فى كل بلد احرار
وسمعناه بيقولها قوية باسم مبادئ امة ابية
انا خط هجوم ودفاع انا رمز سلام وصراع
افدى بالروح واعيش بالنصر بطل وشجاع حيوا معايا قولوا معايا
عاش الجندى العربى عاش
عاش الزارع يوم الشمس ماحست بيها عنيه
فرشت نورها وكبر الزرع وهو مدارى عليه وسمعناه بيقولها قوية
ارض ولادى ورجعت ليا
حرمونا سنين وسنين وافتكروا الناس نايمين وطلعنا عليهم يوم خلصنا حقوق ملايين حيوا معايا قولوا معايا
عاش فلاح الثورة عاش
عاش الفن حضارة لامة يبنيها الفنان
يروى حياتها بغنوة بكلمة بصورة بروح وايمان وسمعناه بيقولها قوية
مجد بلادى عهد عليا
قلبى وروحى ملك لفنى
والاثنين لبلادى هدية
حيوا معايا قولوا معايا
عاش الفن رسالة عاش
عاش العامل يوم ما فكر يبنى لبلده دار فيها مداخن طالع منها لهب النور والنار وسمعناه بيقولها قوية
ده انتاجى وصنع اديا
حققنا بعون الله للشعب دعاه ومناه
والخير زاد منا وفاض والفايض صدرناه
حيوا معايا قولوا معايا
عاش عاش العامل عاش
عاش الطاب يوم ما طلب العلم كتاب وسلاح عرف العلم وسيلة تحقق غاية كل نجاح وسمعناه بقولها قوية
فى الاعدادى وفى الكلية
العلم سلاح جبار بيحول ليلنا نهار
يسعى للنور بالنور ويواجه النا بالنار
حيوا معايا قولوا معايا
عاش الجيل الصاعد عاش
عاش الشعب العربى
شعب كله سلام وامان
عاش الوعى العربى كله ثورة فى كل مكان ثورة مارد للحرية
هب ونادى بالقومية
ردينا عليك ياجمال
وادينا فى اديك ياجمال
وطلعنا معاك ياجمال
نبني وياك ياجمال
حيوا معايا قولوا معايا
عاش عبد الناصر عاش