ياسعيد له في وسط روحي محله...وله معزه صادق في كياني
وله مكان بقلبي ماحد يشله...باقي ويبقى له ع طول الزماني
ياسعيد صوتك انطرب وامتثله...يا مرحبا وياحي قولن عناني
خلن يبين من ضميره لخله...ويشل شلات وقصيد وأغاني
يا سعيد شوفه ناظري مايمله...حدن يمل من شوف حور الجناني
لجله حبيبي بس أنا أشل شله...لأنه فريدن بين كل الغواني
يستاهل اللي مثلك الزين كله...يامن طباعه طيب ومرحباني
شليت قلبك في طريقن تدله...وصدق النوايا ماتخيب الأماني
وان قلت وصفه وصف ماينوصله...يعجز بوصفه مايقوله لساني
ساس الوفى ماقد خطى بدرب زله...لأنه حشيم وراعي سد ومعاني
بن العرب مصبوب من راس دله...ع الكيف ذوفه هيل مع زعفراني
يلبس لباس العز في كل حله...ونحب حبن ما خفته المحاني