شات العنابي موقع اغاني سمعنا شات الحياه
المطربين حسب الحروف أ ب ت ث ج ح خ د ذ ر ز س ش ص ض ط ظ ع غ ف ق ك ل م ن هـ و ي
الصفحة الرئيسية اغانى مصرية اغاني لبنانيه اغاني كويتيه موقع افلام افلام اجنبية افلام اكشن افلام عربية
اغاني سعودية اغاني سودانية اغاني إماراتيه افلام رعب افلام مصرية افلام كرتون
اغاني عراقيه اغاني سورية اغاني عربيه افلام ممنوعة افلام هنديه افلام وثائقية
سمعنا على الفيس بوك

اعلانات


المزيد من اغاني احمد مكي
اغنية كل زمان كل زمان
اغنية طرقت بابك طرقت بابك
اغنية ايام زمان - اسكتش ايام زمان - اسكتش
اغنية الراب يابشر الراب يابشر
اغنية انترو انترو
اغنية جدعان طيبين جدعان طيبين
اغنية 25 يناير 25 يناير
اغنية نهايه نهايه
اغنية ايام زمان ايام زمان
اغنية شكراً يا ماما شكراً يا ماما
اغنية حله محشي حله محشي
اغنية الحاسه السابعه الحاسه السابعه
اغنية ميه ميه كانت هتفرق ميه ميه كانت هتفرق
تحميل الاغنية - تحميل الاغنية mp3 - إرسال الاغنية
اغنية قطر الحياه
اغاني احمد مكي
اغانى مصرية

كلمات اغنية قطر الحياه

في كل لفة عقرب ساعة
عمري بيتسرسب بيعدى
الناس والدنيا بتتغير
حتى الحديد بيصدى
وأنا الوحيد واقف مكانى ثابت
في ناس اختارت سكة صابت
ناس تانية اختارت سكة خابت
احساس قاسي وصعب
لما الناس تشوفك فاشل
ابوك وامك واخواتك وصحابك
شايفينك عاطل
قوم يابنى اسعى وحاول
والله غلبت احاول
ياما حاولت و قبل ما الجون يجيي يطلع فاول
معنديش مهارة وحتى كوسة
وحوستى حوسة
ودوست بعد اخر البنزين بدوسة
في كل مقابلة شغلانة يتقالى لف نفسك
شهادتك معادتشي جامدة
اي حيط وخدلك بوسة
رجعت فلاش باك حسبت سنين عمري 3 سنة
لقيت حسبت تانى وتالت واتخضيت
ببص في المراية كم شعراية بيضة لقيت
وابويا هو الى لسة بيصرف ع البيت
بتعامل من عيلتى على انى عالة
وحالتى حالة ثقتى بنفسي راحت
النجاح بقى استحالة
نفسي اهرب من نفسي ومن حالتى و من عيلتى
ومن الدنيا
نفسي القى دنيا اهرب ليها ولا حتى ثانية
وفي يوم قالهالى صاحبي
والى يدلك عالطريق
ميفدش صاحب غير صاحبو اسمع من الصديق
قالى في قعدة ضرب حلوة باليل عاملينها
سالتو هاش ضحك وقالى بيسة
قولتله لا منها
قالى متخافش مش ممكن تدمن من اول شكة
اقنعنى باليل فعلا شكيت اول شكة
مفاصلي ساحت وارتاحت وروحى راحت
بكلم نفسي من جوة وبرغي من برة ساكت
همومي شبه تاهت والرؤية بهات في باهت
كل مشكلة كانت عندى في الدنيا ماتت وتاهت
عدت ساعات في ثانية لقيت الصحبة قايمة
دخلت بيتى وش الفجر عيلتى كانت نايمة
دفنت نفسي تحت البطانية جسمى مثلج
نمت في اقل من ثانية نومت واحد مبنج
قطر الحياة بيعدى بسرعة سنة في سنة في سنة
وانا زي مانا من لما كان عندى سنة
هى هى الحياة
هو هو دة انا
زهقت وطهقت من الحياة
فقت ورجعت تانى للواقع والعكننة
عدى النهار بطيئ كانو كم شهر وسنة
نفسي النهار يعدى بسرعة واضرب تانى
ارجع ملك زمانى وابعد عن العالم
خلونى اضرب معاهم وكل يوم اتعزم
خلاص دخلت السكة والطريق بيترسم
فاجئنى صاحبي في يوم قالهالى في وشي خف تعوم
اجيب منين فلوس ليا وليك نضرب كل يوم
شخشخ جيبك يا مان قعدتنا دي تكون محروم
من النهاردة مفيش درة بلاش مفهوم..مفهوم
روحت وتانى يوم في معاد الضرب جسمى اتكهرب
كراكيب في ظهري ومناخيري سايلة وبتسرب
عاوز اضرب منين اجيب فلوس منين اجيب فلوس
بدأت استلف من كل الى اعرفه وادوس
وحتى اخواتى خدت منهم ياما فلوس دروس
كلو كرهنى وبيهرب منى
5 جنيبه في 5 في 1 في 1
بسرق يوماتى فلوس من البيت وكلو شك فيا
نزلت بيعت كل حاجة جتلى في يوم هدية
خلصت فلوسي لحد ف يوم ما جتنى يوم فكرة هى هى
ذهب امى موبايل اختى لاب توب اخويا
سرقتهم نزلت اهرب من البيت وقفنى ابويا
حاول يمنعنى مسكنى من ايدى جامد
زقيته اتخبط في الحيط بصلي ازاي ابنو واذيتو
خد منى كل حاجة و تربس الباب غضب
ساعتها طلبت اغرب حاجة ممكن تطلب
عاوز فلوس حالا ياما هرتكب جريمة
اتهمنى بالجنون وادانى كم شتيمة
ببان كل الاوض بتتفتح عيلتى بتتفرج لسة بيستوعبو
يمكن ده جد يمكن بيهرج
سحبت بنت اختى 3 سنين ناحية شباك
هاتو الفلوس لارميها فجأة زاد الارتكاب
امى بكت بحرقة قدامى فقت ثوانى
رمتلى فلوس وبصوت عالى مشوفش وشك تانى
امشي ملكش ام يا ابغض من شيطانى
اخدت الفلوس ومشيت مش راجع بيتى تانى
قطر الحياة بيعدى بسرعة سنة في سنة في سنة
وانا زي مانا من لما كان عندى سنة
هى هى الحياة
هو هو دة انا
زهقت وطهقت من الحياة
سبت كل اهلى وصحابي بقيت وحيد
منين اجيب فلوس لازم القى طريق جديد
فجأة افتكرت جار من سنى ساكن لوحدو طول عمرو
ابوه ف اعارة بره مصر و شهرى فلوس يبعتلو
شديته زي ما اتشديتت انا لنفس الطريق
لقيت مصدر فلوس جديد وبيت و ايد صديق
نضرب سوا في بيته بفلوسه ملناش ظهور
شقى سنين ابوه خلص في اربع شهور
وفي ليلة بنضرب جاتلو مكالمة مصدقهاش
ابوه عرف ان ابنو بيسرقو اتنقل انعاش
كل عصب في جسمى توتر زودت الجرعة
الجرعة المعتادة خلاص مبقتش بتاُر
شريط حياتى بيتعرض اكبر في اكبر
ضربت السم في عروقي زودت اكتر و اكتر
نفسي افنى واخلص من الدنيا زي المية اتبخر
كمان زودت سنة جسمى كلو اتلون اصفر
صاحبي اتفزع قام واتسرع
مالك اصفر ليه يا جدع
جسمك عرقان وبتترعش زي الى من الحية اتلدغ
رغم انى غرقان في العرق جسمى مثلج موجوع وجع
من خضتى جيت اسلب طولي جسمى على الرض اترزع
جسمى رافض لكل امر منى القوة اتهدت
والدنيا بتظلم تدريجى واحدة واحدة اسودت
اخر لقطة في حياتى شوفتها كانت ماساة
صاحبي مرعوب وبيراقب فراقي للحياة
قطر الحياة بيعدى بسرعة سنة في سنة في سنة
وانا زي مانا من لما كان عندى سنة
هى هى الحياة
هو هو دة انا
زهقت وطهقت من الحياة


لافضل تصفح استخدم تباين 1024*768 .
موقع اغاني سمعنا © 2005-2014 بعض الحقوق محفوظه .

اعلن معنا - تغذيه RSS
أعلى الصفحه أعلى الصفحه

ميكس يو شات