سواد ليلتين ضفايرك ديل طوال بالحيل ..

وطرفك لما رف وعاد غلبني مع البغنو شليل

بقيت لامن أشوف رقصك وأشيل شبال

أطير في حال تقول فارسا رمنو الخيل ...

خليني النروي من موية عيونك ديل

وأشيل من الرموش وصفة

من حالي العليا يا ست الجمال كان أشفا

وأنا ما بشفا وأنا ما بشفا

وأنا ما بشفا إلا كان أقيف فوق شاطي الخدود وأتم وقفة

عشان أفخر بيك وأغني ليك وأصبح فوق جدار القمر شرفة

أصلي لاقيك في آخر العمير زي هلالا وسط الغيوم لامن يطل صدفة وأنا ما بشفا

أنا بدور أشفا أنا بدور أشفا

من علل الغرام البي .. بدور أشفا بدور أشفا

خليني النروي من موية عيونك ديل لا بسلاهن لا بجفاهن ولا بجفا بدور أشفا

أنا يومي الأشوف عينيك بفخر بيك وبفتح في القمر شرفة

قولي قولي أنتي قولي لعينيك راجع ليك مهما الدرب يطول وأتعثر

قولي لعينيك لفراقك ما بعيش دونن ولا بقدر ولا بقدر

يا برعم شتيلاتنا البي موية الرزاز سقي لفن وما بقن

أنا راجع ليك شايل نفس السنين الطال

أنا راجع ليك شان إنتي العمر زاتو شان إنتي الفرح والفال راجع ليك

أنا راجع ليك وأنا العارف سماك ما بنطال وما بنطال بدور أشفا

قولي ليهن لا بسلاهن لا بجفاهن ولا بجفا ..