حبت عيال مجانين متوسطين السن فى ساعه التفانين اصغر مافيهم جن .. نشقلب الموازين ونقدر المضامين ونغير القوانين ونجيبوا اجمل فن .... اه ... ياعينى

دِك النهار بالليل كنا فى امان الله طق فى نفخهم ميل قلنا نميل وياه لبسو تياب درويش لبده ودقن وخيش لمسو الجيتار بالريش وجابو اجمل فن

وفى معرض التقاليع رطنولوه افرنجى مع لحن عربى بديع على رقصه فلامنجى اورج وربابه وعود والوش مسك قرود خرج انفعال مكبوت يضحك وحين يبكى

على حين فى يوم تانى كنا سكتم بكمُ واحد نطق يانى نطقو عليه وجبوه قال الاصيل ماله قال السحاب خاله عزفوا النغم جاله هش السحاب غنمه

اخر المتمه ايه ان العيال زهقوا والكل حط اديه فى جيوبه وافترقوا سابوا تاريخ ناقص نصه نغم راقص والباقى شئ حايس وزكريات غرقوا

حبت عيال مجانين متوسطين السن فى ساعه التفانين اصغر مافيهم جن