تابعنا عبر FaceBook
موقع اغاني سمعنا
المطربين حسب الحروف أ ب ت ث ج ح خ د ذ ر ز س ش ص ض ط ظ ع غ ف ق ك ل م ن هـ و ي

المزيد من اغاني حنان النيل - اغاني سودانية



كلمات اغنية أبوي
أبوي شعبتنا روح آمالنا
.. ضو البيت
ضراعو الخدرا ساريتنا
..نقيل وفي ضليلو نبيت
يدق باب الزمن و يفتح لنا البيبان
دروب في الدنيا شان نمشي
..وتجاربو مشاعل التوهان
يسوي من الفرح عمة
..ويدرع شال من الأحزان
يسوي العمة كذا منديل
..عشانا و يدي للجيران
ويدس الشال عشان مانشوف
..عذابو وأنة الحرمان
أبوي القدلة بي عزه
..وأبوي زغرودة السمحات
أبوي عاشق الشمس والنيل
..عشانم ردد الغنوات
هو ذاتو شمس تصارع الليل
..تصر تبدد الظلمات
عظمتو وسر سعادتنا
..بلاقي الصعبه بالبسمات
أبوي الدنيا بتودي
بتدي ومره مابتدي
وحكمك وصوت وصاياكا
..أعز وأغلي ماعندي
تجارب تثري دنيانا
.وتأشر للهموم صدي
نحبك شمعه في ليلنا
..تنور للخطا وتهدي
نحبك يابا ذي نيلنا
..طويل وأصيل وممتدي