ياعل قلب من شكا الحب والباع

تنهار من فوقه محاني ضلوعه

يا ما نهيت القلب لا شك ما طاع

ما طاع يد له والليالي تلوعه

أثر المولع دمعته تجرح القاع

وإللى ذكر ما فات هلت دموعه

يفز قلبي تالي الليل مرتاع

أخاف تبعد عن ربوعي ربوعه

الموت كان العرف عقب البطا ضاع

والمنتحى يا سعود صعب رجوعه

في غير شوف العين ما نيب طماع

حقه علي أمشي بدرب المطوعه

أبو عيون رمشها سود ووساع

في ذبحها العاشق فتون وبتوعه