أغنية أمونة

ما ضهبت أقول لقيتك أقول لقيتك .....

إتني فيكل الخواتم و المياتم والنجيمات و العواتم و المغنين المخاليق ....

ما حزنت أقول رجيتك أقول رجيتك .....

نحن في حزن المخاليق المخاليق المطاليق

الفرح جآييك وعد غنوة أولاد التحاليق

كنتي في ليل الخوابي تهاتي بينات الطوابي

تحاكي جقليب السعي ...

الوليدات خلّو حجرك ريح يفوفي

وين مزرزره من شقا الفرح المرابي وعين مزرزره من شقا الفرح المرابي ومنية الوعد التعي...

إنت في خوفك تقاتل رفة الطير و الهفيف وإنت في شوفك تخاتل عينة الجلب التريف

أنت في اللالوبة مصلبة البنيات النسيمات الهفيف ...

إنت في اللالوبة مشنقة الوليدات ناس نجومي ومحبس النفس الرهيف ....

بطنك كر ّشت غي البنات نافي

دقنك حمست وجلدك خرش مافي

وكت الوهم وافيت وكت العلم جافي

صدق الوعد نافيت مرة الصدق واقي

يا دياري الوين أني

تور عفينة وشين أني

ما إضينة وزين أني

تور عفينة وشين أني

هي هي آهيه هو هو

سنة والعيش بالقبضة

قلبك شاباي للنبضة

جوني العشا ما لقوني

جهدية ما إتلقوني

أمونة شن بتشوفي ؟

يا عيوني شن بتشوفي ؟؟

جديا ً تالا اليمامة

ولا ّ الصقر الحمامة

ولا ّ البطن التفوفي !!!

جهدية وسيف وراية

دبروقة وخيل وشاية

هل هذا بالجوع عذبني ؟

أم خوفك فايت خوفي ؟؟

شدو جمالم وجونا

جلبنا ليهم سمسم

السمسم ما كفاهم

جلبنالم سعية