أنا جالى جواب من أمى وفيه كلمتين

كتبتلى فى يوم فرحانه .. انا جاية بعد يومين

انا زورت بيت الله .. عملت فرض الله .. وهناك انا دعيتلك

ربنا يديك ويسلمك .. ويطعمك ما يحرمك .. ودعوتى تعيشلك

انا عايزة أول ما أوصل اشوفك والاقيك واقفلى

واخدك فى حضنى واحس شوق فى عنيك واصلى

وسلامى لكل حبايبنا من العزيزه الغالية ..أمك

وروحت فرحان ع المينا .. مستنى انا اى سفينه

وقفت مشتاق للقائها ... على بيتنا علقت الزينا

عمال افكر اقولها ايه .. وحشانى ياما وحشانى كتير كده ليه

ياما نفسى اشوفك قدام عينى .. واجرى فى حضنك واترمى فيه

فضلت واقف مستنى الفرحة طايرة يا ناس منى

والوقت عمال بيعدى وشوقى ذاد غصب عنى

وبعد حبه بقيت مشغول حسيت بجد فى شىء مجهول

ولما روحت اسأل عنها قالولى مركبها على وصول

لمحت ناس كده قلقانه بيقولوا فى سفينه غرقانه

جريت معاهم وانا خايف وعيونى بدموعى

مليانة

الخوف بجد مسك فيا .. جايبين ضحية ورا ضحية

وشوف امى قصاد عينى وهى طالعه من الميه

وقعت من طولى ساعتها .. وهعما بيغمضوا عينها

كأنى روحى بيخدوها .. ولقتينى عمال ادعيلها

ع الجنه ياما يا حبيبه يا حنينه وكلك طيبة

الدنيا ضاقت فى عنيه من بعدك انتى يا أميره