كلمات الاغنيه على شاطي العيون اللي غرق في بحرها عاشق
ألملم مابقى مني ومن مركب مسراتي
غرقت ولا لقيت اللي يكون بحالتي شافق
صرخت وماسمعت الا صدى نوحي وآهاتي
عشقته وماعرفت انه حرام يكون له عاشق
هويته وماهقيت اني في يوم أندم على سواتي
عطيته كل ما أملك وكنت النور له شارق
عطاني الجور والنكران وطفى كل شمعاتي
فرشت الورد في دروبه ومشيت انا بجمر حارق
أحاول أرضي غروره واهو يسعى لأناتي
رسمت أجمل بدايه حب من قلب(ن) وفي صادق
وبريشة غدره الخاين رسملي هو نهاياتي
وأثاري العيب هو مني انا اللي ماكنت حاذق
شراع العزة وطيته انا استاهل مذلاتي
تعلقت بأمل واهي وقلت يمكن بنتعانق
يحس بلوعتي مرة وشوقي له ولهفاتي
على رجوى شديد القلب يحنن قلبه الخالق
ولكن للأسف هيهات لقيت القلب قد ماتي
عشقته وماعرفت انه حرام يكون له عاشق
هويته وماهقيت اني في يوم اندم على سواتي
