انا مش مضمون ... مش كارت بتلعبى بيه

لما تعوزيه تخليه ... تزهقى منه ترميه

من غير فوازير ولا ألغاز ... مش هفضل صورة فى برواز .. أو ظل خيال يوم تتجاهليه وساعات تشوفيه

أنا مش تمثال ... وبتختارى الالوان .. فى الاخر انا انسان عمره ما يقبل يتهان

أنا اسف مش هقدر اكون الكارت السهل المضمون ... انا كنت رهان بعمايلك دى انتى خسرتيه

وأنا مش زعلان والله انا مش زعلان

أوقات بيبان ان الكسبان خسران ... ومع الايام حد بيرجع بجراح ويعيش موجوع ندمان والتانى يعيش مرتاح

يا ازاز مكسور وسنين انا ماشى عليه ... يا جرح تعبت انا ليه ... انا بعمل كل ده ليه

ويا قصر الوهم الملعون بالحزن وبالخوف مسكون

هخرج للناس من بعد سنين عشتها مسجون

وأنا مش زعلان والله انا مش زعلان

أوقات بيبان ان الكسبان خسران ... ومع الايام حد بيرجع بجراح ويعيش موجوع ندمان والتانى يعيش مرتاح