بعدو كل شي محلو

بعدو كاسك مليان

مكاتيبك بيضلو

ذكرى الحب اللي كان

صورنا بالدفاتر ضحكات وهربانة

يهالناطر شو الناطر

ضاع الهوا، فل من زمان

والبرنيطة الكحلية

نسيتها معلقة على الحيط

نسيت الكنزة الخمرية

ونسيت الهدية كمان

انت الفليت

وحدك فليت

انا لحالي بقيت

لوحدي بالبيت

عم بسأل قلبي

قولك حبيت

ليلية يخبط على باب الهوا

وحسّب انت اللي دقيت

بعدو كل شي متل ما كان

لكن فضي هالبيت

والوردة الجبتا بنيسان

دبلت لما فليت

بهالقهوة البحرية

كان المسا خريف

شتت أول شتوية

شتت على الخفيف

ما كان معنا شمسية

تخبينا ببعضنا شوي

غرقنا سوا بحنيّة

وغرق معنا هاك الرصيف

انت الفليت

وحدك فليت

انا لحالي بقيت

لوحدي بالبيت

عم بسأل قلبي

قولك حبيت

ليلية يخبط على باب الهوا

وحسّب انت اللي دقيت

بعدو كل شي متل ما كان

لكن فضي هالبيت

والوردة الجبتا بنيسان

دبلت لما فليت