رف قلبي لجناح النسايم

راح وشافك وشاف جمالك وانت نايم

شافك لقاك اجمل ملاك شافك ربيع غطاك نداك

يا ورده احلي من الزهور

مالو القمر يا حلوه خلاهو الظهور

رسلت قلبي اليك هناك

جاني ورجع محتار معاك

احتار انا احتار انا

انا حبي وين انا عمري وين

عمر المعذب كم سنه احترت في عمر السنين

بقت حياتي مقسمه

نص في الارض ونص في السما

وانت القمر وانا كلما زح السحاب القاك تميل

فيك الدلال واصلو الدلال حق الشباب

وانت السحاب حجبك كتير وانا في الارض

يا روحي مالكني الهجير

احتار انا احتار انا

بنتسي ليه وانا قلبي بتذكر كتير

يوم لقيتك وهويتك

فيك الحنان في احلي نظره وابتسامه

في خيالي احلي ذكري

بالاشارة للفته عباره جيت احبك

كنت خايف كنت قايل الجميع عارفين محبك

والعيون راصداني لمن ابقي جنبك

تبقي ذكري فيها انت فيها قلبي وفيها قلبك

فيها يوم المهرجان احلي يوم

احلي من عمر الزمان

احتار انا احتار انا