اكتشف الجديدالفنانين
دخول
لما توعد حقو توفي عني بس شاغلك شنو

من غرورك ما بهمك مع المكتول منو

انت حددتا المكان والمواعيد والزمان

وقلتا لى اوعاك غيبة قلبي عامر بالحنان

تبقي انتا الما التزمتا وجاي بتعاتب كمان

الصدود جاك من متين والقسي اتعلمتو وين

قدري ماتقول ما بنلومك بتزيد جفا بنزيد حنين

مش ملاحظ إنو ظلمك زاد وبالغ حبتين

يا حبيب الناس أظنك ما رضيت تديني حنك

ساقني ريدك وما اقتنعتا بالكلام القالو عنك

شفتا حالي وجاى تسأل العلى ما كلو منك

هسه اتخيل مشاعرك لو وعدتك وما وفيت

أو لما واعدتا عيني قلتا ليك آسفة وابيت

كنتا قومتا القيامة وبعتا فيني واشتريت

الهواجس راودتني قلبي بيودي ويجيب

فى الأخير بس جد قنعتا وسبتا دربك يا حبيب

يبقي حظك منتهي وما ليك في الطيب نصيب