يسلم قلبك يا سوداني... يا الحب طه أصيل جواك

يلا نصلي على العدناني...سجل أسمك وأسمي معاك

طل العام الهجري علينا ... يوم ورا يوم بتفوت أيامو

ليه ما نصلي على هادينا من مبداهو لحد ختامو

نعم وافلح من ولاها .. اجمل حاجة صلاة وسلامُ

معروفين بي حب الماحي..كيف ما يصلو الناس الهامو

معروفين بي حب الماحي..شعبنا حبو مأصل فيهو

يبقى طبيعي نكون الأجدر.. اكتر ناس بنصلي عليهو

السودان بيصلي ويسلم ..دعوة لكل من حب نبيهو

قائمة شرف الدنيا الأولى...سجل أسمك وأفخر بيهو

يلا نصلي رياض ومدارس..صلو معاهد وكليات

الشركات العامة وخاصة..جوة بيوتنا وفي الطرقات

الأسواق تجار الحلة...مغتربين طلاب جامعات

أحباب الطرق الصوفية...مدن ونوادي وجمعيات.