اكتشف الجديد دخول
البكا بكا بكا بكابورت.. صبرت كتير وعمرى ما نولت

عايش فى القاع.. وجانى صداع

عايش فى القاع.. وجانى صداع

وكل يوم تزيد الأوجاع.. فى البكا بكا بورت

نصبوا علينا فى حياتنا.. ولخّصوا كل حكاياتنا

أنا كنت شاب جميل وكيوت.. لحدّ ما خدت أنا بالشلوت

من يومها على أمرى مغلوب.. فى دنيا ماشية بالشقلوب

تلوّث بصرى وسمعى.. مش قادر أدارى يا ناس دمعى

ده العمر بيجرى وما بيرحمش.. سنين بتعدّى ما تتعوّضش

أنا ترس فى مَكَنة مش بتدور.. من صغرى وأنا مستنّى الدور

البكا بكا بكا بكابورت.. صبرت كتير وعمرى ما نولت

عايش فى القاع.. وجانى صداع

عايش فى القاع.. وجانى صداع

وكل يوم تزيد الأوجاع.. فى البكا بكا بورت

كل يوم أنا بافرهد.. وفى أبسط حاجة باتمرمط

الدنيا يا ناس مش سالكة.. وحياتى عبارة عن عركة

مش عارف آخد أنا ساتر.. ولا عارف أخلع وأهاجر

إشارتنا دايمًا حمرا.. وكل حاجة مؤامرة

خدت الشهادة يا عزيزى.. وحطّيتها فى أرابيزى

وإنت عارف أنا أقصد إيه.. ما هو انت كمان حطّيتها يا بيه

البكا بكا بكا بكابورت.. صبرت كتير وعمرى ما نولت

عايش فى القاع.. وجانى صداع

عايش فى القاع.. وجانى صداع

وكل يوم تزيد الأوجاع.. فى البكا بكا بورت

أحلامى حلوة يا ناس للكل.. نعيش أنا وانت زى الفل

أحلامى دايمًا منبوذة.. فى وسط عقول عجوزة

كان ذنبى إيه أشيل الهمّ.. وغلطتى انّى حاولت أحلم

محبوس أنا جوّه البكابورت.. اتكلّمت وقولت وثورت

حاولت أطلع فوق وأجرّب.. خدت الصابونة قبل ما أقرّب

تهت خلاص واتسوّحت.. إللى فوق عاوزينك تحت

البكا بكا بكا بكابورت.. صبرت كتير وعمرى ما نولت

عايش فى القاع.. وجانى صداع

عايش فى القاع.. وجانى صداع

وكل يوم تزيد الأوجاع.. فى البكا بكا بورت